Бул ҳаққында Президент Шавкат Мирзиёевтиң басшылығында халық мүрәжатлары менен ислесиў системасын жетилистириў бойынша өтип атырған видеоселектор мәжилисинде атап өтилди.

Турақ жай менен тәмийинлеў бойынша Қаршы турғынларынан 124 мүрәжат келип түскен. Қаршы қаласында быйыл 3 мың 700 квартиралы көп қабатлы турақ жайлардың қурылысы режелестирилген.

Ҳәким орынбасарлары қаладағы банклер ҳәм девелоперлер менен биргеликте турақ жай бойынша мүрәжат еткенлер менен бирме-бир ушырасады. Оларға жаңадан қурылып атырған турақ жайларды усынады, кредит, субсидия бойынша мәселелерин жедел шешип береди.

Қаладағы мәмлекетлик уйымларда 1,5 мыңнан аслам хызметкер жумыс ислемекте. Олардың жумысы бойынша 794 шағым келип түскен. Мәселен, ишки ислер хызметкерлериниң қатнасы ҳәм тергеўдиң сапасы бойынша 281 арза жиберилген.

Ўәлаят ишки ислер баслығының кадрлар ҳәм жәмийетлик қәўипсизлик бойынша орынбасарлары ҳәптениң бир күнин жас тергеўшилер, профилактика инспекторы, жол ҳәм пост-патруль хызметкерлерин оқытыў, қарым-қатнас мәдениятын үйретиўге бағышлайды.

Хызметкерлерине наразылықлар көп болған Мәжбүрий орынлаў бюросы, салық, электр, суў ҳәм газ, медицина ҳәм билимлендириў уйымларының басшылары да өз жумысын тап усы тәризде шөлкемлестириўи зәрүр екенлиги атап өтилди.

ӨзА