Bul haqqında Prezident Shavkat Mirziyoevtiń basshılıǵında xalıq múrájatları menen islesiw sistemasın jetilistiriw boyınsha ótip atırǵan videoselektor májilisinde atap ótildi.
Turaq jay menen támiyinlew boyınsha Qarshı turǵınlarınan 124 múrájat kelip túsken. Qarshı qalasında bıyıl 3 mıń 700 kvartiralı kóp qabatlı turaq jaylardıń qurılısı rejelestirilgen.
Hákim orınbasarları qaladaǵı bankler hám developerler menen birgelikte turaq jay boyınsha múrájat etkenler menen birme-bir ushırasadı. Olarǵa jańadan qurılıp atırǵan turaq jaylardı usınadı, kredit, subsidiya boyınsha máselelerin jedel sheship beredi.
Qaladaǵı mámleketlik uyımlarda 1,5 mıńnan aslam xızmetker jumıs islemekte. Olardıń jumısı boyınsha 794 shaǵım kelip túsken. Máselen, ishki isler xızmetkerleriniń qatnası hám tergewdiń sapası boyınsha 281 arza jiberilgen.
Wálayat ishki isler baslıǵınıń kadrlar hám jámiyetlik qáwipsizlik boyınsha orınbasarları hápteniń bir kúnin jas tergewshiler, profilaktika inspektorı, jol hám post-patrul xızmetkerlerin oqıtıw, qarım-qatnas mádeniyatın úyretiwge baǵıshlaydı.
Xızmetkerlerine narazılıqlar kóp bolǵan Májbúriy orınlaw byurosı, salıq, elektr, suw hám gaz, medicina hám bilimlendiriw uyımlarınıń basshıları da óz jumısın tap usı tárizde shólkemlestiriwi zárúr ekenligi atap ótildi.
ÓzA