Мәмлекетимиз басшысының атап өткениндей:

– соңғы жылларда бюрократияны қысқартыў бойынша 9 пәрман ҳәм қарар қабыл етилди, Мәмлекетлик хызметлер орайлары, Бирден-бир портал ҳәм “Санлы ҳүкимет” системалары енгизилиўи нәтийжесинде мәмлекетлик хызметлер саны 444 тен 1 040 қа шекем артты, көрсетилген хызметлер көлеми 55 миллионнан артты;

– 90 нан аслам проактив ҳәм композит хызметлер енгизилди, атап айтқанда, туўылыў менен байланыслы хызметлердиң бирден-бир пакетте көрсетилиўи ҳәр жылы 1 миллион пуқараға қолайлық жаратпақта, социаллық напақалар ҳәм пенсия тайынлаў процеси автоматластырылды;

– 30 түрдеги хызмет реал ўақытта көрсетилди, усы жылы 8 миллионға шамалас хызмет автомат түрде көрсетилмекте, электрон ҳүжжет айланысы есабынан халықтың жылына 23 миллиард сум қаржысы үнемленбекте;

– бизнес ушын шараятларды жеңиллестириў мақсетинде 160 тан аслам лицензия ҳәм руқсатнамалар бийкар етилди, 150 ден аслам руқсатнама электрон түрде берилмекте, 140 түрдеги ҳүжжет ҳәм мағлыўмат талап етиў бийкар етилди; “Бизнести 15 минутта баслаў” принципи арқалы исбилерменликти онлайн дизимнен өткериў имканияты жаратылды.

Қарақалпақстан хабара агентлиги