Mámleketimiz basshısınıń atap ótkenindey:

– sońǵı jıllarda byurokratiyanı qısqartıw boyınsha 9 párman hám qarar qabıl etildi, Mámleketlik xızmetler orayları, Birden-bir portal hám “Sanlı húkimet” sistemaları engiziliwi nátiyjesinde mámleketlik xızmetler sanı 444 ten 1 040 qa shekem arttı, kórsetilgen xızmetler kólemi 55 millionnan arttı;
– 90 nan aslam proaktiv hám kompozit xızmetler engizildi, atap aytqanda, tuwılıw menen baylanıslı xızmetlerdiń birden-bir pakette kórsetiliwi hár jılı 1 million puqaraǵa qolaylıq jaratpaqta, sociallıq napaqalar hám pensiya tayınlaw procesi avtomatlastırıldı;
– 30 túrdegi xızmet real waqıtta kórsetildi, usı jılı 8 millionǵa shamalas xızmet avtomat túrde kórsetilmekte, elektron hújjet aylanısı esabınan xalıqtıń jılına 23 milliard sum qarjısı únemlenbekte;
– biznes ushın sharayatlardı jeńillestiriw maqsetinde 160 tan aslam licenziya hám ruqsatnamalar biykar etildi, 150 den aslam ruqsatnama elektron túrde berilmekte, 140 túrdegi hújjet hám maǵlıwmat talap etiw biykar etildi; “Biznesti 15 minutta baslaw” principi arqalı isbilermenlikti onlayn dizimnen ótkeriw imkaniyatı jaratıldı.

Qaraqalpaqstan xabara agentligi