Milliy gvardiya Ruwxıylıq hám aǵartıwshılıq orayında «Elimizde ekologiyalıq qáwipsizlikti turaqlastırıw tendenciyaları» temasında respublikalıq ilimiy-ámeliy konferenciya bolıp ótti.

Videokonferencbaylanıs tárizinde ótkerilgen ilajda Ózbekstan Respublikası Milliy Gvardiyası sárkardasınıń orınbasarı, polkovnik S.Mamayusupov, Ózbekstan ekologiyalıq partiyasınıń basshısı A.Hamzaev, Bas prokuror orınbasarı – ádillik aǵa másláhátshisi Sh.Twxtaboev, ekologiya, qorshaǵan ortalıqtı qorǵaw hám klimat ózgeriwi ministriniń orınbasarı J.Kazbekov hám aymaqlardan 755 tıńlawshı qatnastı.

Konferenciyada tábiyattı qorǵaw hám tábiyǵıy resurslardan aqılǵa uǵras paydalanıw tarawındaǵı nızamshılıq talapları buzılıwınıń aldın alıw máselesine itibar qaratıldı.
Tarawǵa baylanıslı huqıqbuzarlıqlardı anıqlaw hám oǵan shek qoyıw ushın tásirsheń ilajlardı qollanıwdı bunnan bılay da jetilistiriw zárúrligi atap ótildi.

Ekologiyalıq qáwipsizlikti bekkemlew hám ekologiyalıq jaǵdaydı jaqsılaw boyınsha jetekshi sırt ellerdiń aldıńǵı tájiriybelerinen kelip shıǵıp usınıslar islep shıǵıldı.

Ekologiyalıq qáwipsizlikti támiyinlew boyınsha ámeldegi normativlik-huqıqıy hújjetlerge ózgerisler hám qosımshalar kirgiziw maqsetinde ilimiy tiykarlanǵın usınıslar tayarlandı. Soraw-juwaplarǵa bay tárizde ótken ilaj juwmaǵında ministrlik hám uyımlardıń basshılarınıń qatnasıwında usı aymaqqa terek nálleri egildi.

N.Abduraimova,
ÓzAnıń xabarshısı