«Хызметлер тараўы турақлы раўажланыўы ушын қолайлы шараятлар жаратыўға байланыслы қосымша илажлар ҳаққында»ғы Президент қарары қабыл етилди.

Қарарға муўапық, 2025-жылы хызметлер тараўын раўажландырыўдың тийкарғы мақсетли көрсеткишлери етип төмендегилер белгиленди:

– хызметлер  көлемин 15 процентке арттырыў;

-тараўда 3 миллион адамды дәраматлы мийнет пенен тәмийинлеў;

-52,2 мың хызмет көрсетиў объектлерин шөлкемлестириў.

Президенттиң 2022-жыл 27-январьдағы ПҚ-104-санлы қарарында нәзерде тутылған  хызметлер  көрсетиўши исбилерменлерге 1 процентлик социаллық салық ставкасының әмел етиў мүддети 2028-жыл 1-январьға шекем созылды.

2025-жылы төмендеги муғдарда кредит қаржылары қаратылады:

– хызметлер тараўын раўажландырыў ушын 67,4 триллион сум;

– хызмет  көрсетиў объектлерин шөлкемлестириў ушын девелоперлер арқалы исбилерменлик субъектлерине турақлы емес жайларды лизингке бериўге 4,5 триллион сум.

Аймақларда  2025-жылы төмендеги 652 драйвер жойбарларды инфраструктура менен тәмийинлеў ушын 1 триллион сум қаратылады:

– 72 жағалық бойы дем алыў орайлары;

– 62 заманагөй түрдеги дем алыў бағлары;

-154 күни-түни жумыс ислейтуғын туризм ҳәм гастрономиялық бағдарларға қәнигелескен саўда ҳәм кеўилашар көшелер;

-364 жол бойы ҳәм басқа сервис объектлери.

Қарарға муўапық, 2025-жыл 1-июльден баслап төмендеги мәмлекетлик хызметлер ҳәм функциялары жеке меншик секторға өткериледи.

Қарарға муўапық, жеңил автотранспорт қуралларында жолаўшыларды қала, қала  әтирапы ҳәм қалалараралық тасыў жумысы өзин-өзи бәнт еткен шахслардың шуғылланыўы мүмкин болған жумыс (жумыслар, хызметлер) түрлери дизимине киргизилгени ҳәм олар усы жумыс пенен лицензия ҳүжжет қағазы тийкарында шуғылланыўы белгиленеди.

2025-жыл 1-апрельден салық уйымлары хызметкерлери тәрепинен оларға бириктирилген кәрханаларда ямаса мәҳәллелердеги исбилерменлик субъектлеринде белгиленген салыққа байланыслы ҳуқықбузарлықлар анықланғанда төмендеги тәртип енгизиледи:

– биринши мәрте ескертиў;

– ескертиўден соң 3 күн мүддетте салыққа байланыслы ҳуқықбузарлық сапластырылмағаны ямаса қайта анықланғаны көшпели салық тексериўин өткериўге тийкар болатуғыны;

– көшпели салық тексериўди 24 саат ишинде «Бирден-бир мәмлекетлик қадағалаў» мәлимлеме системасында дизимге алыў арқалы Бизнес – омбудсманды хабардар етиў тәртибинде  әмелге асырыўға руқсат етиў;

– көшпели салық тексериўиниң нәтийжелери бойынша рәсмийлестирилген акт көшпели салық  тексериўи бойынша қарар қабыл етиў ушын тийкар болып есапланатуғыны.

 

ӨзА