«Xızmetler tarawı turaqlı rawajlanıwı ushın qolaylı sharayatlar jaratıwǵa baylanıslı qosımsha ilajlar haqqında»ǵı Prezident qararı qabıl etildi.

Qararǵa muwapıq, 2025-jılı xızmetler tarawın rawajlandırıwdıń tiykarǵı maqsetli kórsetkishleri etip tómendegiler belgilendi:
– xızmetler kólemin 15 procentke arttırıw;
-tarawda 3 million adamdı dáramatlı miynet penen támiyinlew;
-52,2 mıń xızmet kórsetiw obyektlerin shólkemlestiriw.
Prezidenttiń 2022-jıl 27-yanvardaǵı PQ-104-sanlı qararında názerde tutılǵan xızmetler kórsetiwshi isbilermenlerge 1 procentlik sociallıq salıq stavkasınıń ámel etiw múddeti 2028-jıl 1-yanvarǵa shekem sozıldı.
2025-jılı tómendegi muǵdarda kredit qarjıları qaratıladı:
– xızmetler tarawın rawajlandırıw ushın 67,4 trillion sum;
– xızmet kórsetiw obyektlerin shólkemlestiriw ushın developerler arqalı isbilermenlik subyektlerine turaqlı emes jaylardı lizingke beriwge 4,5 trillion sum.
Aymaqlarda 2025-jılı tómendegi 652 drayver joybarlardı infrastruktura menen támiyinlew ushın 1 trillion sum qaratıladı:
– 72 jaǵalıq boyı dem alıw orayları;
– 62 zamanagóy túrdegi dem alıw baǵları;
-154 kúni-túni jumıs isleytuǵın turizm hám gastronomiyalıq baǵdarlarǵa qánigelesken sawda hám kewilashar kósheler;
-364 jol boyı hám basqa servis obyektleri.
Qararǵa muwapıq, 2025-jıl 1-iyulden baslap tómendegi mámleketlik xızmetler hám funkciyaları jeke menshik sektorǵa ótkeriledi.
Qararǵa muwapıq, jeńil avtotransport qurallarında jolawshılardı qala, qala átirapı hám qalalararalıq tasıw jumısı ózin-ózi bánt etken shaxslardıń shuǵıllanıwı múmkin bolǵan jumıs (jumıslar, xızmetler) túrleri dizimine kirgizilgeni hám olar usı jumıs penen licenziya hújjet qaǵazı tiykarında shuǵıllanıwı belgilenedi.
2025-jıl 1-aprelden salıq uyımları xızmetkerleri tárepinen olarǵa biriktirilgen kárxanalarda yamasa máhállelerdegi isbilermenlik subyektlerinde belgilengen salıqqa baylanıslı huqıqbuzarlıqlar anıqlanǵanda tómendegi tártip engiziledi:
– birinshi márte eskertiw;
– eskertiwden soń 3 kún múddette salıqqa baylanıslı huqıqbuzarlıq saplastırılmaǵanı yamasa qayta anıqlanǵanı kóshpeli salıq tekseriwin ótkeriwge tiykar bolatuǵını;
– kóshpeli salıq tekseriwdi 24 saat ishinde «Birden-bir mámleketlik qadaǵalaw» málimleme sistemasında dizimge alıw arqalı Biznes – ombudsmandı xabardar etiw tártibinde ámelge asırıwǵa ruqsat etiw;
– kóshpeli salıq tekseriwiniń nátiyjeleri boyınsha rásmiylestirilgen akt kóshpeli salıq tekseriwi boyınsha qarar qabıl etiw ushın tiykar bolıp esaplanatuǵını.

ÓzA