Вазирлар Маҳкамаси “Маҳаллий хўжалик шартномалари доирасида юзага келадиган енгиб бўлмайдиган куч (форс-мажор) ҳолатларини тасдиқлаш тартиби тўғрисидаги низомни тасдиқлаш ҳақида” қарор қабул қилди.
Ушбу Низом Ўзбекистон Республикаси Савдо-саноат палатаси томонидан маҳаллий хўжалик шартномалари доирасида Ўзбекистон Республикаси ҳудудида бошланган ёки бўлиб ўтган енгиб бўлмайдиган куч (форс-мажор) ҳолатларини тасдиқлаш тартибини белгилайди.
Низомда форс-мажор ҳолатларни тасдиқловчи сертификатни олиш учун тақдим этиладиган ҳужжатлар ва уларни бериш тартиби;
сертификат олиш учун тақдим этилган ҳужжатларни кўриб чиқиш тартиби ва муддатлари;
сертификатни расмийлаштириш ва беришни рад этиш тартиблари аниқ белгилаб берилган.
Сертификат талабгорнинг аризасига асосан Савдо-саноат палатаси томонидан расмийлаштирилади ва берилади. Сертификат бериш тўғрисидаги ариза Палатага тўғридан-тўғри ёки унинг расмий веб-сайти орқали берилиши мумкин.
Мазкур Низом талаблари ташқи савдо битимлари ва халқаро шартномалар шартлари доирасида юзага келадиган форс-мажор ҳолатларга нисбатан татбиқ этилмайди.