Россия Президенти Владимир Путин бугун Ўзбекистон Республикаси Президенти Шавкат Мирзиёев билан телефон орқали мулоқот қилди.
“Телефон мулоқоти чоғида Владимир Путин Ўзбекистон Республикаси Президенти Шавкат Мирзиёевни давлат раҳбари сайловидаги ишончли ғалабаси билан қизғин табриклади”, – дейилади Кремль хабарида.
Томонлар Россия – Ўзбекистон стратегик шериклик ва иттифоқчилик муносабатларининг барча соҳаларини ҳар томонлама ривожлантиришда қатъий эканини тасдиқлаган.
Россия етакчиси, шунингдек, Шавкат Мирзиёевга табрик телеграммаси юборган.
ЎзА