Нукус шаҳрида Шимоли-ғарбий ҳарбий округ қўшинлари қўмондони полковник Фарходжон Шерматов Қорақалпоғистон Республикаси Мудофаа ишлари бошқармасининг маъмурий биноси қурилиши билан боғлиқ жараённи кўздан кечирди ҳамда қурилиш ишларига рамзий старт берди.
Бу ҳақда Шимоли-ғарбий ҳарбий округ матбуот хизмати ЎзАга маълум қилди.
Бу ҳақда Шимоли-ғарбий ҳарбий округ матбуот хизмати ЎзАга маълум қилди.
Таъкидлаш жоизки, шу йилнинг май ойида Нукус шаҳри марказида “Nukus city” шаҳарчасининг қурилиши туфайли Қорақалпоғистон кўчаси 11-уйда жойлашган Қорақалпоғистон Республикаси Мудофаа ишлари бошқармасининг маъмурий биноси вақтинча бошқарманинг чақирув участкаси жойлашган ҳудудга кўчирилган эди.
Мудофаа ишлари бошқармаси биноси қурилиши учун Қорақалпоғистон Республикаси маҳаллий бюджетидан 5,950 миллион сўм маблағ ажратилиб, тендер савдолари якунлари бўйича қурилиш ишлари “Golden star” МЧЖ томонидан амалга оширилиши белгиланган.
Смета-лойиҳа ҳужжатларига кўра, Мудофаа ишлари бошқармаси 3 қават ҳамда ертўладан иборат бўлиб, замонавий андозада барча қулайликларга эга бўлган 70 дан зиёд хизмат хоналарини ўз ичига олади.
ЎзА