Тошкент туманлараро иқтисодий судининг 2024-йил 13-октябрь кунги ижро ҳужжатига асосан лизинг объекти бўлган XCMG русумли автогрейдерни Бўзатов туманида жойлашган “IDEYA SOFT STROY” МЧЖдан “Auto Truck Leasing” МЧЖга қайтариш белгиланди.

Ушбу ижро ҳужжати Мажбурий ижро бюроси Бўзатов туман бўлими иш юритувига келиб тушиб, бўлим ходимлари томонидан ижро ҳаракатларига киришилди. Лекин, ижро ҳаракатлари жавобгарнинг судга киритган аризасига кўра, чиқарилган суд ажримига асосан 2026-йил январига қадар вақтинчалик тўхтатилди.

Шундан кейин, ижро ҳаракатлари давом эттирилиб, жавобгар ташкилот жойлашган манзилга бир неча маротаба борилганида лизингга олинган мулк ушбу манзилда йўқлиги аниқланди.

Бюронинг Бўзатов тумани ходимлари томонидан жорий йилнинг 24-февраль куни олиб борилган ижро ҳаракатлари натижаси қайтарилиши лозим бўлган махсус техника Тахиатош туманида жойлашган ижро ишига алоқаси бўлмаган ташкилотнинг биносига яширилгани аниқланиб, мулк даъвогар “Auto Truck Leasing” МЧЖга топширилди.

Қорақалпоғистон ахборот агентлиги