Ўзбекистон Миллий олимпия қўмитаси раисининг биринчи ўринбосари Отабек Умаровнинг Халқаро автомобиль федерацияси(FIA) Сенати аъзолигига тайинлангани эълон қилинди.

Юртимизда олимпия ҳаракатини таъминлаш ҳамда Осиё олимпия кенгаши ривожи йўлида самарали фаолият юритиб келаётган ҳамюртимизнинг FIA Сенати бошқарув кенгашидан жой олиши мамлакатимизда автомобиль спортини янада ривожлантириш, халқаро ҳамкорлик алоқаларини мустаҳкамлаш ва барқарор ташаббусларни илгари суриш ишларида самарадорликка эришишга хизмат қилиши билан аҳамиятлидир.

Эслатиб ўтамиз, FIA Сенати автомобиль спортининг тараққиётини таъминлаш йўлидаги стратегик тавсияларни ишлаб чиқишга раҳбарлик қилади.

Т.Рўзиев, ЎзА