NASA Халқаро космик станцияга навбатдаги экипажни жўнатиш режасини эълон қилди, деб ёзган “Trend” ахборот агентлиги. Парвоз 13 февраль куни амалга оширилиши кутиляпти.

Маълумотга кўра, “SpaceX” билан ҳамкорликда ўтказилган учишга тайёргарлик синови муваффақиятли якунланган.

Мутахассислар ҳаво шароити қулайлиги даражаси 85 фоизлигини билдирган. Фақат қуюқ булут асосий хавф сифатида қайд этилган. Бундан аввал парвоз икки марта қолдирилган.

Маълум қилинишича, янги экипаж аъзолари Халқаро космик станцияда тахминан саккиз ой фаолият юритиши режалаштирилган. Ҳозир фазогирлар Кеннеди коинот марказида карантин шароитида қатъий тайёргарлик дастури асосида машғулот ўтамоқда.

Экпертлар бу галги парвозни халқаро фазовий дастурнинг инсон иштирокидаги яна бир муҳим босқичи сифатида баҳолаган.

Д.Ҳакимов, ЎзА