Ўтган йили футбол бўйича Ўзбекистон Про-Лигасида ўзининг ажойиб ўйинлари билан футбол мухлисларини қувонтирган Нукуснинг «Арал» клуби янги мавсумга ўз таркибини кучайтириш мақсадида пухта тайёргарлик кўрмоқда.

Хусусан, республикамиз бош жамоасига Туркманистон терма жамоаси аъзоси Вепа Жумаев ва 2023 йилда 20 ёшгача бўлган ёшлар ўртасидаги Осиё чемпионлигини қўлга киритган Жавоҳир Утамуродовлар келиб қўшилди.

«Арал» клубининг дастлабки легионер футболчиси ҳисобланган туркманистонлик Вепа Жумаэв ўз футболчилик фаолияти давомида Ашхободнинг «Копетдаг,» Беларуснинг «Днепр,» «Локомотив,» «Энергетик-БГУ,» «Славия-Мозир» ва «Витебск» клубларида ўйнаган. 2023 йилдан бошлаб Туркманистон терма жамоаси аъзоси бўлган у бугунги кунгача ушбу жамоа таркибида 8 ўйинда қатнашиб, 1 гол уришга эришган.

2004 йил 9 мартда Амударья туманида туғилган Жавоҳир Утамуродов эса, ўз футболчилик фаолиятини Қаршининг «Насаф» клубида бошлаб, кейинчалик Тошкентнинг «Олимпик, Нукуснинг «Арал» ва Беларуснинг «Витбеск» ҳамда Бухоронинг «Бухоро» клубларида ўйнаб, катта тажриба тўплаган.

Янги мавсумда жамоамиз шарафини ҳимоя қиладиган бу икки футболчи ҳам ҳимоячи ҳисобланади. Футбол мухлислари келгусида ҳам жамоамиздан шундай яхши янгиликларни кутиб қолади.

Адилбай Оразов,

 Қорақалпоғистон ахборот агентлиги шарҳловчиси