Амалдаги қонунларимизда вояга етмаган болага таъминот бериш мажбуриятини ихтиёрий бажармаган ота ёки онадан суднинг ҳал қилув қарорига ёхуд суд буйруғига асосан алимент ундириш белгиланган.

Фуқаролик ишлари бўйича Чимбой туманлараро судининг ўтган йил октябрь ойидаги буйруғига асосан, Кегейли туманида яшовчи О.К. икки фарзандининг моддий таъминоти учун алимент тўлаш белгиланган бўлса-да қарздор ота 50 миллион сўм алимент пулини тўлашдан бош тортган.

Шу сабабли бюронинг Кегейли туман бўлими давлат ижрочиси томонидан отага нисбатан маъмурий баённома расмийлаштирилиб, тўпланган ҳужжатлар Жиноий ишлар бўйича Кегейли туман судига юборилган.

Жиноят ишлари бўйича туман суди алимент тўлашдан бош тортган отага Ўзбекистон Республикаси Маъмурий жавобгарлик тўғрисидаги кодексининг тегишли моддалари билан 15 сутка қамоқ жазосини тайинлади.

Қорақалпоғистон ахборот агентлиги