АҚШ Президенти Дональд Трамп Гренландия масаласида НАТО Бош котиби Марк Рютте билан келишиб олинганини маълум қилди. Шунингдек, Европа давлатларига нисбатан қўшимча бож жорий этилмаслигини ҳам тасдиқлади.

Маълумки, Трамп аввалроқ Дания, Норвегия, Швеция, Франция, Германия, Буюк Британия, Нидерландия ва Финляндиядан АҚШга юбориладиган маҳсулотларга 1 февралдан 10 фоиз, 1 июндан эса 25 фоиз солиқ қўйилишини айтган. Бу қарорини Америка етакчиси Гренландия бўйича келишувга эришилмаётгани билан изоҳланган эди.

НАТО Бош котиби Марк Рютте Давосда ўтаётган Жаҳон иқтисодий форуми доирасида ARD телеканали мухбирига мавзу бўйича изоҳ бераркан, “Президент Трамп эълон қилган маълумот ҳақиқатга тўлиқ мос келиши”нитасдиқлади.

Д.Ҳакимов, ЎзА