Оқ уй раҳбари Дональд Трамп ижтимоий тармоқдаги саҳифасида ўзини “Венесуэла Президенти вазифасини бажарувчи” деб атаган хабарни жойлаштирди. Тегишли суратга АҚШ етакчиси «бу лавозимда ишни 2026 йил январида бошлагани” қўшимча қилинган.

Мазкур ахборотга Оқ уй ёки Венесуэла мухолифати вакиллари ҳеч қандай расмий изоҳ бермаган.

Эслатиб ўтамиз, Президент Николас Мадуро ва унинг рафиқаси Cилиа Флорес 3 январь куни махсус амалиёт доирасида АҚШнинг Дельта кучлари томонидан қўлга олинган. Америка расмийлари Мадурони “наркотеррор”, қурол сақлаш ва Венесуэла дипломатик паспортларини сотишда айблаган. Мадуро айбловларни рад этиб, «бу иддаолар ўз мамлакати нефть захирасига дахл қилиш учун ниқоб» деди. Трамп эса вазиятга оид мурожаатида «АҚШ Венесуэлани бошқариши»ни маълум қилган.

 Г.Сатторова, ЎзА