Қорақалпоғистон Республикаси Жўқорғи Кенгеси Раиси А.Оринбаев «Арал» футбол жамоаси аъзолари билан учрашди.

Унда дастлаб, Жўқорғи Кенгес Раиси Президентимиз раҳбарлигида спорт соҳасини, жумладан, футболни ривожлантириш ва оммалаштириш бўйича амалга оширилаётган кенг кўламли ишларга тўхталиб ўтди ва муҳим ўйин олдидан жамоа аъзоларига омад тилади.

Бугунги кунда Про-лигада ўйнаётган «Арал» футбол жамоаси олдида муҳим ўйин кутаётганлигини таъкидлаш керак. Яъни, 16 декабрь куни Суперлигада ўйнаш йўлланмаси учун Бухоро вилоятининг «Бухоро» жамоаси билан ўйин ўтказилади.

Албатта, Про-лиганинг ушбу ўйинида футбол мухлислари жамоамиздан юқори натижаларни кутиб қолади.

Шуни ҳам алоҳида таъкидлаш керакки, «Орол» футбол жамоаси бу ўйинда ғалаба қозонса, 24 йиллик танаффусдан сўнг узоқ кутилган Суперлигада ўйнаш имкониятини қўлга киритади.

Қорақалпоғистон ахборот агентлиги