Qaraqalpaqstan Respublikası Joqarǵı Keńesiniń Baslıǵı A.Orınbaev «Aral» futbol komandasınıń aǵzaları menen ushırastı.

Onda dáslep, Joqarǵı Keńes Baslıǵı Prezidentimizdiń basshılıǵında sport tarawın, sonıń ishinde, futboldı rawajlandırıw hám ǵalaba en jaydırıw boyınsha ámelge asırılıp atırǵan keń kólemli jumıslarǵa toqtap ótti hám áhmiyetli oyın aldınan komanda aǵzalarına áwmet tiledi.
Búgingi kúnde Pro-ligada oynap atırǵan «Aral» futbol komandasınıń aldında áhmiyetli oyın kútip turǵanlıǵın atap ótiw kerek. Yaǵnıy, 16-dekabr kúni Superligada oynaw jollaması ushın Buxara walayatınıń «Buxara» komandası menen oyın ótkeriledi.
Álbette, Pro-liganıń bul oyınında futbol ıqlasbentleri komandamızdan joqarı nátiyjelerdi kútip qaladı.
Sonı da ayrıqsha aytıw kerek, «Aral» futbol komandası bul oyında jeńiske erisse, 24 jıllıq tánepisten soń uzaq kútilgen Superligada oynaw imkaniyatın qolǵa kirgizedi.

Qaraqalpaqstan xabar agentligi