Евроиттифоқнинг ташқи ишлар ва хавфсизлик сиёсати бўйича собиқ олий вакили, ҳозирда Европа коллежи ректори Федерика Могерини Бельгияда ҳибсга олинди.

Иш ЕИ томонидан молиялаштириладиган ёш дипломатларни тайёрлаш дастурига алоқадор. Гап 2021-2022 йилларда Европа коллежига берилган ўқув дастурини ўтказиш тендерига тааллуқли. Таъкидланишича, иш доирасида «коррупция, манфаатлар тўқнашуви ва касб сирини бузиш» ҳолатлари текширилмоқда.

Жами уч нафар гумонланувчи қўлга олинган. Улар орасида Могеринидан ташқари Стефано Саннино (италиялик дипломат ва Европа ташқи алоқалар хизматининг собиқ бош котиби) ҳам бор. Учинчи қўлга олинган шахс Европа коллежининг менежери дейилмоқда.