Сенат Раиси Танзила Норбоева бошчилигидаги парламент делегациясининг Венгрияга ташрифи доирасида Венгрия Президенти, Миллий Ассамблеяси Спикери билан учрашув кўзда тутилган.

Ўзбекистон Сенати ва Венгрия Миллий Ассамблеяси ўртасида ҳамкорлик тўғрисидаги ўзаро англашув меморандуми имзоланиши кутилмоқда.

Ташриф давомида Ўзбекистон парламент делегацияси Будапештдаги Қаҳрамонлар майдонида бўлди.

Сенат Раиси Т.Норбоева Қаҳрамонлар майдонидаги Номаълум аскар ёдгорлиги пойига гул қўйди ҳамда Венгрия халқининг озодлик учун курашган ҳимоячилари хотирасига ҳурмат бажо келтирди.

Айтиб ўтиш керакки, ушбу ёдгорлик катта тошли кенотафдан иборат бўлиб, Ватан ҳимоячиларининг мангу хотирасига ҳурмат тимсоли сифатида қад ростлаган.

Мазкур ёдгорлик дастлаб 1929 йилда Биринчи жаҳон уруши қурбонларини ёд этиш мақсадида ўрнатилган. 1956 йилда ҳайкалтарош Бейла Гебхардт лойиҳаси асосида қайта тикланган, 2001 йил 20 августда эса Андраш Силагияи томонидан яратилган ҳозирги кўринишда очилган.

Сенат Раиси Фахрий меҳмонлар китобига дил сўзларини ёзиб қолдирди.

Н.Абдураимова, ЎзА