Анимация – бу кичик йўналиш эмас, балки жаҳон креатив иқтисодиётининг улкан ва ажралмас қисмидир. Шу боис биз соҳада малакали мутахассислар тайёрлаб, глобал бозорга чиқишга интилишимиз керак
61
Болалар контентини ривожлантириш марказининг мамлакат бўйлаб шу йўналишда ўқув курсларини ташкил этиш таклифини қўллаб-қувватлаб, бу ташаббусни айнан Қорақалпоғистондан бошлаш кераклигини айтган эдим.
Нукусга сафарим чоғида ушбу ўқув курсининг фаолияти билан танишдим. Ёшлар билан суҳбатлашар эканман, кўзларидаги иштиёқни кўрдим, ҳис қилдим. Улар нафақат ўқишга, балки ўз келажагини яратишга интилмоқда.
Биз ёшларимизга имконият яратсак, улар албатта натижа беради. Кеча Нукусда бунга яна бир бор амин бўлдим.