Баҳрайн пойтахти Манама шаҳрида теннис бўйича М15 тоифасига кирувчи халқаро турнирда мамлакатимизнинг иккинчи рақамли теннисчиси Сергей Фомин муваффақиятли одимламоқда.

Сергей Фомин Халқаро теннис федерациясининг мусобақалари тақвимидан жой олган ушбу турнирнинг яккалик баҳслари иккинчи босқичида россиялик Тимофей Дерепаскони 3:6, 6:4, 6:2 ҳисобида таслим этди ва чорак финалда испаниялик Иван Марреро Курбелога қарши кортга чиқадиган бўлди.

Шунингдек, С.Фомин жуфтлик баҳсларида нейтрал теннисчи Даниил Голубев билан тандемда чорак финал босқичини нейтрал теннисчи Иван Неделко ва руминиялик Валентин Вантага жуфтлигига қарши ўтказиб, 6:3, 3:6, 10:7 ҳисобида зафар қучди. Энди Сергей ва Даниил ярим финалда россиялик Тимофей Дерепаско ва италиялик Лорензо Лоруссо билан куч синашади.

Жавоҳир Тошхўжаев, ЎзА