Берунийлик Сапаргул Йўлдошева бугун туманнинг энг бахтли ёшларидан бирига айланди.

Президентимизнинг оталарча ғамхўрлиги натижасида унга Ижтимоий ҳимоя миллий агентлиги томонидан барча замонавий қулайликларга эга бир хонали уй топширилди.

Касб-ҳунар мактабида тикувчилик сирларини ўрганиб, ўз меҳнати билан даромад топа бошлаган Сапаргулнинг қувончи чексиз. У янги уйда янги ҳаёт бошлади.

Унинг орзулари ҳам катта. У ҳунари ортидан ўзининг тикувчилик цехини очиб, келажакда ўз брендини яратишни мақсад қилган.

Қорақалпоғистон ахборот агентлиги