Европа қитъасида ўтаётган «ЖЧ-2026» саралашининг 4-турида Португалия ўз майдонида Венгрия терма жамоаси билан 2:2 ҳисобида дуранг ўйнади.

Мазкур учрашувда Криштиану Роналду дубль қайд этди ва Жаҳон чемпионати саралаш ўйинларида 41-голига муаллифлик қилди. Натижада Роналду саралаш босқичида гол уриш бўйича жаҳон рекордини ўрнатди. Шу тариқа, Роналду 2016 йил 6 сентябрдан бери мазкур йўналишда рекорд эгаси бўлиб келаётган гватемаллик Карлос Руисни (39 гол) ортда қолдирди. Дарвоқе, Лионель Мессининг ЖЧ саралашидаги голлари сони 36 тани ташкил қилади.

Эслатиб ўтамиз, Криштиану Роналдунинг терма жамоадаги голлари сони 143 тага етган бўлса, фаолияти давомида жами 948 та гол киритишни уддалаган.

Жавоҳир Тошхўжаев, ЎзА