Жорий йилнинг 10 сентябрь куни Қорақалпоғистон Республикаси Жўқорғи Кенгесининг навбатдан ташқари еттинчи сессияси бўлиб ўтди.

Қорақалпоғистон Республикаси Ҳукумати аъзолари, шаҳар, туман ҳокимлари, ҳуқуқни муҳофаза қилувчи органлар ва соҳа раҳбарлари, оммавий ахборот воситалари вакиллари иштирок этди.

Сессияни Қорақалпоғистон Республикаси Жўқорғи Кенгесининг Раиси Аманбай Оринбаев кириш сўзи билан очди ва бошқариб борди.

Сессиянинг кун тартибига мувофиқ ташкилий масала, яъни «Қорақалпоғистон Республикаси Жоқорғи Кенгеси Раисининг ўринбосари тўғрисида»ги масала кўриб чиқилди.

Сессияда Қорақалпоғистон Республикаси Жўқорғи Кенгеси Раисининг ўринбосари Р.Сапарбаев эгаллаб турган лавозимидан озод этилди.

Қорақалпоғистон Республикаси Жўқорғи Кенгеси Раисининг ўринбосари лавозимига Қорақалпоғистон Республикаси Жўқорғи Кенгесига 47-сонли «Саноат» сайлов округидан депутат Раджапбай Купалбекович Нуразизовнинг номзоди тавсия этилди.

Таклиф этилган номзоднинг номзодини депутатлар кўриб чиқди ва қўллаб-қувватлади.

Қорақалпоғистон Республикаси Конституцияси 70-моддасининг 4-бандига мувофиқ, яширин овоз бериш йўли билан Раджапбай Купалбекович Нуразизов Қорақалпоғистон Республикаси Жўқорғи Кенгеси Раисининг ўринбосари лавозимига сайланди.

Сессияда Р.Нуразизов сўзга чиқиб, билдирилган ишонч учун ўз миннатдорчилигини билдирди.

Сессия ишида Ўзбекистон Республикаси Президентининг маслаҳатчиси Т.Худайбергенов иштирок этди ва нутқ сўзлади.

Қорақалпоғистон ахборот агентлиги