Марказий банк маълумотларига кўра, июль ойида банкларнинг кредит қўйилмалари 1 триллион сўмга ўсиб, 576,2 триллион сўмга етган. Бунда чакана кредитлар қолдиғи 4,9 триллион сўмга ўсган бўлса, корпоратив кредитлар қолдиғи 3,9 триллион сўмга камайган.

Бугунги кунда банкларнинг асосий маҳсулоти микроқарзлар бўлиб қолмоқда. Июль ойи давомида микроқарзлар қолдиғи 3,1 триллион сўмга кўпайган. Ипотекани молиялаштириш уч ойлик сустликдан кейин фаоллашган (+1,3 трлн.сўм).

Бир йилдан сўнг автокредитлар қолдиғи яна ўса бошлаган (+147 млрд.сўм). Бошқа дея таснифланган кредитлар ҳам тез ўсмоқда (+312 млрд.сўм).

Муаммоли кредитлар ўтган чорак охиридаги маъмурий қисқаришдан кейин яна ўсишда давом этмоқда. NPL қолдиғи 684 миллиард сўмга кўпайиб, 22,6 триллион сўмга етган.

Ш.Маматуропова,

ЎзА