Италиянинг Милан шаҳрида ўтаётган байдарка ва каноэда эшкак эшиш бўйича жаҳон чемпионатида Ўзбекистон терма жамоаси ҳисобига олтин медаль қўшилди.

Аниқроқ айтадиган бўлсак, чемпионатнинг C1 йўналишидаги 200 метр масофага кечган беллашувда Артур Гулиев маррага 38,63 сонияда етиб келди. Натижада Артур катталар ўртасидаги икки карра жаҳон чемпионига айланди.

Маълумот ўрнида, Артур Гулиев 2023 йили Германияда бўлиб ўтган жаҳон чемпионатида ушбу йўналишда 38,729 натижа билан маррага биринчи бўлиб етиб келган ҳолда жаҳон чемпионига айланган эди.

Артурдан аввал ўзбекистонлик каноэчилардан Вадим Менков 2010 йилги дунё биринчилигида шоҳсупанинг юқори поғонасига кўтарилган эди.

Жавоҳир Тошхўжаев, ЎзА