Жанубий Кореянинг Мокпо шаҳрида енгил атлетиканинг улоқтириш турлари бўйича ўтаётган Осиё чемпионатида Ўзбекистон байроғи юксалди.

Кеча чемпионатнинг кечки дастуридаги баҳсларида Ўзбекистон терма жамоаси аъзолари 2 та кумуш медалга сазовор бўлди.

17 та давлатнинг 1 минг 230 нафардан зиёд спортчилари иштирок этаётган биринчиликда терма жамоамиз аъзоси Малика Насриддинова ядро улоқтириш дастурида 17.14 метр натижа билан иккинчи ўринни эгаллади.

Маликанинг муваффақиятли чиқишидан сўнг яна бир енгил атлетикачимиз Сухроб Хўжаев босқон улоқтириш секторида 69.52 метр билан кумуш медалга эгалик қилди.

Бугун, 22 август куни чемпионатнинг сўнгги кунида найза улоқтириш мусобақаларида қитъа чемпионати ғолиб ва совриндорлари аниқланади.

Т.Рўзиев,

ЎзА