Таиланд пойтахти Бангкок шаҳрида бокс бўйича ўтаётган Осиё чемпионатининг U22 ёш тоифасидаги финал баҳслари ўз якунига етди. Унда Ўзбекистон терма жамоаси 8 та олтин, 6 та кумуш ва 4 та бронза медалини қўлга киритди.

Мусобақа давомида Гулсевар Ғаниева, Хуморабону Мамажонова, Самандар Олимов, Саят Илясов, Муҳаммадазизбек Исмоилов, Шавкатжон Болтаев, Абдулазиз Абдураҳмонов, Ҳалимжон Мамасолиев ўз вазн тоифаларида барча рақибларини таслим этган ҳолда Осиё чемпионига айланди.

Шунингдек, терма жамоамиз таркибидан жой олган Робияхон Бахтиёрова, Ойша Тоирова, Узукжамол Юнусова, Шоҳрух Абдумаликов, Раҳматулло Бойматов ва Шаҳзод Полвонов кумуш, Беҳруз Холдоров, Одинахон Исмоилова, Моҳира Аҳмедова ҳамда Диёрахон Абдуманнопова бронза медали билан тақдирланди.

Жавоҳир Тошхўжаев,

ЎзА