АҚШ Президенти Дональд Трамп Россия ва Қўшма Штатлар вакиллари чоршанба куни учрашув ўтказиши, шундан сўнг Москвага қарши санкциянинг эҳтимолий кучайтирилиши бўйича қарор қабул қилинишини айтди. Бу ҳақда “РИА Новости” ёзган.

– Эртага Россия билан учрашувимиз бор, – деган у сешанба куни Вашингтонда журналистларга Москвага нисбатан санкция босими кучайиши эҳтимолини изоҳларкан. – Мулоқот қандай натижа беришини кўрамиз ва кейин қарор қабул қиламиз.

Оқ уй раҳбари Россия энергетика ресурсларини сотиб олувчи барча мамлакатлар товарларига 100 фоизлик бож жорий этиш имкониятига тўхталиб, “ҳеч қачон фоиз белгиламагани”ни таъкидлади.

Шунингдек, собиқ Президенти Жо Байден Вашингтонни Украинадаги можарога билвосита аралаштиргани, ҳозир эса АҚШ урушни тугатиш учун қатъий ҳаракат қилаётганига урғу берган.

С.Раҳимов, ЎзА