Американинг “Nvidia” график процессор ишлаб чиқарувчиси бозор қиймати 4 триллион доллардан ошган тарихдаги биринчи компанияга айланди. Бу ҳақда ТАСС ёзган.

“Trading View” рейтингига кўра, ушбу кўрсаткич 9 июль кунги савдо якунида қайд этилган.

Америка “NASDAQ” фонд биржасида жамоа қимматли қоғозлари қиймати 164,74 доллар (+2,34 фоиз)га кўтарилди.

“Nvidia” жаҳон бозоридаги энг қиммат давлат компаниялари рейтингида пешқадам ҳисобланади. Дунёнинг етакчи компаниялари рейтингида иккинчи ўринни эгаллаган “Microsoft” корпорациясининг 502,26 доллар (+1,14 фоиз)лик капиталли улуши қиймати 3,73 триллион долларга тенг.

1993 йил ташкил этилган, график процессор ва бошқа турдаги чиплар ишлаб чиқарувчи “Nvidia” технологик компанияси қароргоҳи Санта Клара (Калифорния)да жойлашган. Корхона ишланмалари сунъий интеллект, видео ўйинлар ва автомобилсозлик саноатида кенг тарқалган.

С.Раҳимов, ЎзА