Американинг “Microsoft” корпорацияси май ойида ходимларга нисбатан кенг кўламли қисқартириш сиёсатини олиб борди. Натижада 300 дан кўп одам ишдан бўшатилди. Бу ҳақда “Блумберг” агентлиги корпорация тарқатган маълумотга таяниб ёзган.

Май ойида CNBC телеканали “Microsoft” бутун дунё бўйлаб ходимларини 3 фоиз қисқартиришини маълум қилганди. Бу компанияда 2023 йилдан буён кузатилаётган энг йирик шундай жараён. Корпорация веб-сайтидаги ахборот 2024 йил июнда жамоанинг 228 000 ходими борлиги келтирилган.

“Microsoft” вакили сўзларига кўра, ҳозирги ўзгариш компания мавқеини яхшилаш, тез ўзгарувчан бозорда муваффақиятга эришиш учун зарур.

Жорий йил январь ойида раҳбарият самарадорликни ошириш учун айрим ходимлардан кечишини эълон қилган.

1975 йил тадбиркорлар Билл Гейтс ва Пол Аллен томонидан ташкил этилган, асосан дастурий таъминот ишлаб чиқишга ихтисослашган мазкур компаниянинг бош қароргоҳи Вашингтонда. Масалан, “Windows” амалиёт тизимини айнан “Microsoft” яратган.