Klein Vision компанияси 80 сонияда машинадан самолётга айлана оладиган янги авлод учар автомобили — AirCar 2 нинг серияли нусхасини оммага тақдим этди.

AirCar 2 нафақат дизайни билан, балки функционаллиги билан ҳам эътиборни тортмоқда. У автомобиль йўлларида ҳаракатлана олади, керакли вақтда эса қанотларини ёзиб, қисқа вақт ичида осмонга кўтарилиши мумкин. Қурилма атиги 80 сония ичида тўлиқ самолёт режимига ўтади.

Транспортнинг энг юқори тезлиги соатига 250 километрни, парвоз масофаси эса тахминан 1000 километрни ташкил этади. Ёқилғи сифатида оддий бензин ишлатилади.

Бу технологик ютуқ шаҳарлараро тезкор ҳаракатланиш, транспорт тирбандликларини камайтириш ва келажакдаги шахсий транспорт воситаларининг ривожида муҳим босқич бўлиши кутилмоқда.

Транспортнинг нархи тахминан 800 000 $дан 1 000 000$ гача бўлиши мумкин. Серияли ишлаб чиқариш 2026 йилда йўлга қўйилиши кутилмоқда.

Мадинабону Насриева, Анвархўжа Аҳмедов, ЎзА