“Сув париси” I Марказий Осиё очиқ чемпионати қизғин паллага кирди
Пойтахтимизда жойлашган Ўзбекистон Касаба уюшмалари федерациясига қарашли “Сув спорти саройи”да синхрон сузиш бўйича “Сув париси” I Марказий Осиё очиқ чемпионатининг илк кунги беллашувлари давом этмоқда.
Айни дамда ўтаётган нуфузли мусобақанинг U12, U15 ва катталар ёш тоифасида Ўзбекистон, Россия, Болгария, Бирлашган Араб Амирликлари, Беларусь Республикаси ва Қозоғистон давлатларидан келган “Сув пари”лари техник соло, техник гуруҳ ва комбо йўналишларида ўзаро куч синашмоқда.
– Юқори савияда ташкил этилган “Сув париси” I Марказий Осиё очиқ чемпионатига узоқ вақт тайёргарлик кўрдик, – дейди беларуслик Анастасия Сакалова. – Чемпионатнинг дастлабки баҳслари қизғин ўтмоқда. Иштирокчилар орасида, албатта, ҳамюртларингизнинг чиқишлари мухлису-мутахассислар томонидан эътироф этилмоқда. Шароитлар аъло даражада тизимли равишда яратилган. Барча иштирокчилар каби биз ҳам ғолиблик даъвосида келганмиз.
Эслатиб ўтамиз, бугун, 15 май куни “Сув париси” I Марказий Осиё очиқ чемпионатининг тантанали очилиш, ғолиб ҳамда совриндорларни тақдирлаш маросими бўлиб ўтади.
Жавоҳир Тошхўжаев, Алмурод Мамадаминов, ЎзА