Украина етакчиси Владимир Зеленскийнинг чорловига қарамай, тинчлик музокараси қатнашувчилари орасида Владимир Путин йўқ. Бу ҳақда BBC ёзди. Кремль баёнотига кўра, Россия делегациясига Президент ёрдамчиси Владимир Мединский бошчилик қилади. Зеленский аввалроқ Путин рози бўлсагина, тадбирда қатнашиши, у билан шахсан учрашиш ниятида эканини айтган. Бугуннинг ўзида Киев раҳбари Туркия пойтахти Анқарада Президент Режеп Таййип Эрдоған билан мулоқот қилади.

Россия ва Украина вакиллари ўртасида охирги марта 2022 йил мартда, Москва кенг кўламли ҳарбий амалиёт бошлагандан кўп ўтмай, Истанбулда бевосита музокара ўтказилган.

Путин ва Зеленский 2019 йил декабридан бери шахсан учрашмаган.

Мусулмон Зиё, ЎзА