Россия – Украина урушида ўт очишни тўхтатиш бўйича ҳеч қандай силжиш юз бермаса, Европа давлатлари Россияга қарши санкцияни кенгайтиради, деди Германия Канцлери Фридрих Мерц Греция Бош вазири Кириакос Митсотакис билан Берлинда ўтказилган қўшма матбуот анжуманида.

– Биз навбатдаги санкцияни ёқлаймиз, – дейилган ҳукумат сайтида намойиш қилиб борилган тадбирда эълон қилинган баёнотда. – Агар Россия раҳбарияти ўтган ҳафта охирида биргаликда тайёрланган таклифларга рози бўлмаса, биз бошқа йўлларни ҳам кўриб чиқамиз: масалан энергетика сектори ва молия бозори.

Канцлер Владимир Зеленскийнинг Россия билан музокара ўтказиш учун Туркияга боришга тайёрлигини олқишлади. Мерц айтишича, энди музокара таклифини қабул қилиш ва ўт очишни тўхтатишга рози бўлиш РФ Президенти Владимир Путинга боғлиқ.