Хитойда оғир атлетика бўйича катталар ўртасида давом этаётган Осиё чемпионатининг навбатдаги кунида ўзбекистонлик спортчи қизлар шоҳсупага кўтарилди.

Аёллар ўртасида -81 кг. вазн тоифаси «А» гуруҳида Ўзбекистон терма жамоаси аъзолари Ригина Адашбоева ҳамда Мадина Файзуллаева жаҳон чемпионати совриндорлари, қитъа чемпионлари ҳамда халқаро турнирларнинг ғолиблари билан кечган муросасиз баҳсларда муносиб натижага эришди.

Ригина Адашбоева даст кўтаришда 104 килограмм натижа билан ҳамда икки курашда 224 кг. жамғарган ҳолда иккита бронза медалгини қўлга киритди.

Ёш оғир атлетикачи қизимиз Мадина Файзуллаева силтаб кўтаришда 121 кг. тошни бўйсундирган ҳолда кучли учликни банд этди.

Ҳар икки спортчимизнинг муваффақияти эвазига Ўзбекистон терма жамоаси аъзоларининг медаллар сони 4 тага етди.

Эртага, 14 май куни ўтадиган баҳсларда Акбар Жўраев ва яна 3 нафар спортчимиз қитъа чемпионатида ғолиблик учун курашга киришади.

Мусобақалар 15 апрелга қадар давом этади.

Т.Рўзиев, ЎзА