Чимбой туманида 9 май – Хотира ва қадрлаш куни ҳамда Иккинчи жаҳон урушдаги ғалабанинг 80 йиллиги муносабати билан Кўнчи маҳалла фуқаролар йиғини ҳудудидаги «Дўстлик гузари» бўйида жойлашган «Мотамсаро она» ёдгорлигида байрам тадбири бўлиб ўтди.

Тадбирда туман ҳокими Айбек Тажетдинов, сектор раҳбарлари, нуронийлар ҳамда кенг жамоатчилик вакиллари иштирок этди.

Дастлаб иштирокчилар «Мотамсаро она» ҳайкали пойига гулчамбарлар қўйди. Шундан сўнг Иккинчи жаҳон урушида ҳалок бўлганлар руҳига Қуръон тиловат қилинди. Шунингдек, урушда ҳалок бўлган ва урушда қатнашган мард ўғлонларимиз рўйхатларини кўздан кечириб, бугунги тинчлик, осойишталигимиз посбонларини ёдга олди.

Шуни маълумот учун айтиб ўтишимиз керак, бу лойиҳа туман ҳокими Айбек Тажетдиновнинг бевосита раҳбарлигида ташкил этилиб, бу ерда уруш қатнашчиларининг рўйхати ўчмас олтин ҳарфлар билан ёзилган. Шунингдек, «Мотамсаро она» ҳайкали ўрнатилиб, ҳарбий техникалар олиб келинди. . Бу ҳарбий техникаларни кўрган инсонга, айниқса ёш авлодларимизга урушнинг қанчалик қийин давр эканини сезиш ва тинч замонамизга, очиқ осмонимизга шукроналик билан қараш кераклигини қайта-қайта эслатади.

Қорақалпоғистон ахборот агентлиги