АҚШ Давлат котиби Марко Рубио “The Free Press” порталига интервьюсида Хитой Қўшма Штатлар учун асосий таҳдид эканини билдириб, Пекин тарихдаги энг йирик тинчлик шароитидаги ҳарбий қурилишни амалга ошираётганига урғу берган.

– Менимча, Хитой ҳар бир жабҳада, геосиёсат, миллий хавфсизлик, иқтисодиёт ва саноат нуқтаи назаридан биринчи рақамли муаммо, – деди юқори мартабали мулозим. – ХХР ҳарбий дастури кўлами мисли кўрилмаган даражада кенг. Бу нафақат замонавий, балки бутун инсоният тарихидаги тинчлик даври учун энг тез ривожланаётган, энг йирик ҳарбий куч.