AQSH Davlat kotibi Marko Rubio “The Free Press” portaliga intervyusida Xitoy Qo‘shma Shtatlar uchun asosiy tahdid ekanini bildirib, Pekin tarixdagi eng yirik tinchlik sharoitidagi harbiy qurilishni amalga oshirayotganiga urg‘u bergan.

– Menimcha, Xitoy har bir jabhada, geosiyosat, milliy xavfsizlik, iqtisodiyot va sanoat nuqtai nazaridan birinchi raqamli muammo, – dedi yuqori martabali mulozim. – XXR harbiy dasturi ko‘lami misli ko‘rilmagan darajada keng. Bu nafaqat zamonaviy, balki butun insoniyat tarixidagi tinchlik davri uchun eng tez rivojlanayotgan, eng yirik harbiy kuch.