Рим Папаси Франциск вафотидан кейин Ватикандаги конклав католик черковига янги раҳбар сайлайди.

“The Telegraph” нашри ёзишича, филиппинлик 67 ёшли кардинал Луис Антонио Тагл мазкур лавозимга асосий даъвогарлардан бири сифатида кўриляпти. Осиёдан биринчи папа этиб сайланиши кутилаётган бу мутахассис ўз қарашлари, турмуш тарзи туфайли “Осиёлик Франциск” номини олган.

Таглдан ташқари тахтга эҳтимолий номзодлар орасида илк бор қора танли папа бўлишга интилаётган 76 ёшли Питер Турксон, кардиналлар Питер Эрдо, Пьетро Паролин ва Роберт Сара бор.

Рўйхатда шунингдек Мальта, Италия ва Португалия вакиллари ҳам бор.