Қўшма Штатлар смартфон, компьютер ва бошқа баъзи электрон қурилмаларни юқори бож тўлови, яъни Хитой импортига белгиланган 125 фоизлик йиғимдан озод қилди, деб ёзди BBC. Бу АҚШ етакчиси Дональд Трамп маъмуриятининг ХХРга нисбатан сиёсатидаги илк муҳим имтиёздир. Айни ҳолатни таҳлилчилар «ўйинни ўзгартирувчи сценарий» дея таърифламоқда.

Мазкур қарор АҚШ технология компанияларининг гажет нархи кескин ошиши мумкинлиги билан боғлиқ хавотиридан кейин чиқарилди. Зеро, айни ускуналарнинг аксарияти Хитойда ишлаб чиқарилади.

«Counterpoint Research» маълумотига кўра, Америка “iPhone” учун асосий бозор. “Apple” ўтган йилги смартфон сотувининг ярмидан кўпини ташкил қилган.