Жорий йилнинг 3-4 апрел кунлари Самарқанд шаҳрида «Марказий Осиё – Европа Иттифоқи» биринчи саммити бўлиб ўтади.

Ўзбекистон президенти Шавкат Мирзиёев раислигида ўтадиган мазкур саммит ишида қатнашиш учун бугун, 2 апрел куни Европа кенгаши президенти Антониу Кошта мамлакатимизга ташриф буюрди.

Олий мартабали меҳмонни Самарқанд халқаро аэропортида Ўзбекистон Республикаси бош вазири Абдулла Арипов ва бошқа расмийлар кутиб олди.

Қисқа суҳбатдан сўнг, Европа кенгаши президенти ташриф дастурига мувофиқ навбатдаги манзилга жўнаб кетди.