АҚШ президенти Дональд Трамп “Newsmax” нашрига берган интервьюсида ҳокимиятдаги икки ой давомида тарихдаги барча Америка президентларидан кўра кўпроқ ютуқларга эришганини таъкидлади.

– Атиги икки ойда ҳеч ким бунчалик кўп иш қилгани йўқ. Шу қисқа вақтда мен ҳар қандай президентдан кўпроқ иш қилганимга ишончим комил, – деди у. 

Трамп хусусан, Америка иқтисодиётига турли компаниялар томонидан сармоя жалб этилиши, шунингдек, юзлаб миллиард доллар зарар келтирган “фирибгарлик” аниқланганига ишора қилди.

Бундан ташқари, у АҚШнинг собиқ президенти Жо Байден ва унинг маъмуриятини “жуда ёмон” ишлар қилгани ва коррупциялашган, деб ҳисобласа ҳам кечиришга ҳаракат қилаётганини тан олди.