Бердақ номидаги Қорақалпоқ давлат университетида университетнинг барча проректорлари, факультет деканлари, декан ўринбосарлари, хотин-қизлар бўйича декан маслаҳатчилари, тюторлар, профилактика инспекторлари, педагог-тарбиячилар ва ёшлар етакчилари иштирокида учрашув бўлиб ўтди.

Учрашувда ёшларни ҳар томонлама ривожлантириш, уларни тарбиялашда замон талабларига жавоб берадиган янгича ёндашувларни жорий этиш юзасидан фикр алмашилди.

Тадбирда университет ректори, академик А.Реймов сўзга чиқиб, ёшлар тарбияси бўйича олиб борилган ишлар, бу борада аниқланган хато-камчиликларга эътибор қаратди. Ёшлар тарбиясига оид соҳада қилинган ишлар, йўл қўйилган камчиликлар таъкидланиб, бу ишларга масъуллар қаттиқ танқид қилинди.

Қорақалпоғистон ахборот агентлиги