Бугун Путин ва Трамп Россия – Украина зиддияти масаласини муҳокама қилади.

BBC ёзишича, АҚШ президенти россиялик ҳамкасби билан кутилган телефон қўнғироғи олдидан тинчлик келишувининг “кўп жиҳатлари” келишиб олинганини билдирган.

– Ҳар ҳафта икки томондан жами 2500 аскар ҳалок бўляпти, бундай ҳолат тезроқ тугаши керак, – деб ёзган Трамп ўз ижтимоий тармоғидаги саҳифасида. Президент Путин билан қўнғироқни интиқлик билан кутаман.

Украина Президенти Владимир Зеленский ўзининг тунги нутқида Путинни урушни узайтираётганликда айблади.

– Бу иш анча олдин амалга оширилиши мумкин эди, – деган у. – Уруш давридаги ҳар бир кун инсон ҳаёти билан боғлиқ.

Айни пайт Франция Президенти Эммануэль Макрон Зеленскийнинг ўт очишни тўхтатиш борасидаги жасоратини олқишлади ва Россияни ҳам шундай қилишга чақирди.

Путин аввалроқ тинчлик ўрнатиш фикрини қўллаб-қувватлаган бўлса-да, тинчликка эришиш шарти рўйхатини ҳам белгилаганди.

Мусулмон Зиё, ЎзА