Президент Дональд Трамп Овал кабинетдаги “ёқимсиз” учрашувдан сўнг Украинани қўллаб-қувватлашда бироз “тин” олмоқчи. Эшиклар қайта очилиши Владимир Зеленскийнинг Россия билан тинчлик музокарасига киришишига боғлиқ бўлиши мумкин. Бу ҳақда “Euronews” ёзди.

Оқ уй расмийси айтишича, АҚШ “ечимга ҳисса қўшаётганига ишонч ҳосил қилиш учун” ўз ёрдамини вақтинча чеклади. Танаффус АҚШ кўмаги батамом тўхтаганини англатмайди.

Маълумки, Қўшма Штатлар етакчиси 2024 йил сайловда ғалаба қозониши арафасида Украинадаги урушни 24 соат ичида тугатишга ваъда берган эди. Айни дам у украиналик ҳамкасбидан норозилигини кўп бор билдириб, агар сулҳга эришилса, РФ рахбари Владимир Путин тинчликни сақлашига ишониш мумкинлигини таъкидламоқда.