Буюк Британия Бош вазири Кир Стармер ва Украина Президенти Владимир Зеленский ўртасидаги Лондонда бўлиб ўтган икки томонлама музокара Украина бўйича саммит олдидан ташкил этилди, деб хабар берди DW нашри.

Зеленский 1 март куни Даунинг кўчаси 10-уйда жойлашган ҳукумат бошлиғи қароргоҳига ташриф буюрган. Мулоқот бир соат давом этди. Учрашувдан сўнг Стармер меҳмонини автомашинасигача кузатиб pirma.

Суҳбат чоғида Бош вазир Украина Қироллик бўйлаб кенг қўллаб-қувватланаётганини билдирди:

– Эшитиб турганингиздек, ташқаридан келаётган овозлар бутун мамлакатдаги хайрихоҳликнинг тасдиғи. Биз сиз биланмиз ва Украина билан бирга қоламиз.

Стармер Британиянинг Украинага ёрдами қатъийлигини такрорлаб, кўмак узоқ муддат давом этишини ва Европада барқарор тинчлик ўрнатиш учун Киевнинг суверенитети ва хавфсизлигига асосланиши зарурлигини таъкидлади.

Шарқий Еаропа давлати етакчиси Британия Қироллиги ва  фуқароларига муваффақиятли тарафдорлик учун раҳмат айтди. Шунингдек, ташрифи давомида Қирол Чарльз III билан ҳам учрашиш ниятида эканини маълум қилди.

– Биз сиздан қўллаб-қувватлов кутамиз, – деди у қароргоҳни тарк этаркан.

Украина оммавий ахборот воситалари ёзишича, Буюк Британия Киевнинг мудофаа эҳтиёжи учун 2,6 миллиард фунт-стерлинг миқдоридаги қарз келишувини имзолаган.

Зеленский АҚШда Трамп билан баҳслашиб қолгандан сўнг Лондонга келган. Эслатиб ўтамиз, бугун бу ерда Украина бўйича саммит бўлиб ўтади.

М.Пирматова, ЎзА