Англия Премьер лигасининг навбатдаги турида “Манчестер Сити“ клуби меҳмонда “Тоттенхэм“ни 1:0 ҳисобида мағлуб этди.

“Манчестер Сити“ таркибида ишончли ҳаракатланаётган Ўзбекистон миллий терма жамоаси ҳимоячиси Абдуқодир Ҳусанов ушбу ўйинда майдонда 90 дақиқа ҳаракат қилди. “Манчестер Сити“ –“Тоттенхэм» жамоалари қарама-қаршилигидаги ўйинда майдонга тушган футболчиларнинг техник-тактик ҳаракатини мониторинг қилган “Sofascore” нашри Абдуқодир Ҳусановнинг фаолиятини 7 балл билан баҳолади.

Ушбу ғалабадан кейин “Манчестер Сити“ Англия Премьер лигасининг 28-тур ўйинлари олдидан 47 очко билан 4-ўринга кўтарилиб олди.

Навбатдаги 28 турда “Манчестер Сити“ турнир жадвалида 48 очко билан 3-ўринда бораётган «Ноттингем Форест” меҳмони бўлади.

Учрашув 8 март куни бўлиб ўтади.

Т.Рўзиев, ЎзА